A cita lúdico-culinaria será no Campiño de Santa María o domingo 20 de setembro, a partir das 13.30 horas e para participar no certame hai que inscribirse en info@pintomaragota.gal
Haberá dúas categorías: mellor tortilla tradicional e mellor tortilla queer vexeta, premiadas cun xantar ou cea na taberna Casa Solla e un brunch no Misto Café para dúas persoas
O Campiño de Santa María acollerá, o domingo 20 de setembro a quinta edición do Concurso Tortilleiro de Pinto e Maragota, o programa municipal pola diversidade sexual e de xénero que promove a Concellería de Igualdade, que dirixe Anabel Gulías. A cita é a partir das 13.30 horas.
As persoas interesadas en participar no concurso terán que inscribirse antes das 17.00 horas do sábado 19 de setembro, a través do enderezo electrónico info@pintoemaragota.gal
O concurso ten dúas categorías: a mellor tortilla de patacas tradicional, feita necesariamente con patacas, ovos, aceite, sal e cebola (opcional) e a mellor tortilla queer vexeta, de ingredientes libres máis todos vexetarianos ou veganos. A recepción das tortillas será o domingo 20, entre as 12.00 e as 12.45 horas nos soportais do Campiño.
O xurado cualificador estará integrado por representantes da hostalaría local, de Pinto e Maragota e de AVANTE LGBT- Pontevedra e as persoas gañadoras do concurso do ano pasado.
A mellor tortilla tradicional terá como premio un xantar ou cea para dúas persoas na taberna Casa Solla (Poio) En tanto que a mellor tortilla queer vexeta terá un brunch privado para dúas persoas (especial Pinto e Maragota) no Misto Café bar (Pontevedra), con opcións vexetarianas e veganas. O certame conta coa colaboración das adegas Paco&Lola
- +Info: Instagram e Facebook Pinto e Maragota
