Protocolo de actuación
fronte ás violencias sexuais
en espazos de ocio nocturno

Benvido/a á páxina web do Concello de Pontevedra sobre o Protocolo de actuación fronte ás violencias sexuais en espazos de ocio nocturno. Aquí poderás atopar toda a información necesaria sobre o programa “Diversión Asegurada”, deseñado para previr e actuar contra calquera tipo de violencia machista nos locais de ocio.

Nesta sección, poñemos á túa disposición os documentos clave para entender o protocolo e os seus obxectivos, incluíndo o díptico informativo, o protocolo completo e as follas de solicitude e compromiso de adhesión e a folla de rexistro e seguimento. Ademais, unha vez que a adhesión estea feita, poderás acceder á guía formativa e ás pílulas de vídeo para a formación do persoal dos establecementos e eventos adheridos.

O noso obxectivo é artellar unha resposta integral ante a violencia sexista, contribuíndo a xerar un modelo festivo e de lecer nocturno baseado no respecto ás liberdades individuais e colectivas.

Se tes interese en adherirte ao protocolo, infórmate descargando este díptico e envíanos a igualdade@pontevedra.eu a solicitude e o compromiso de adhesión asinados, que podes descargar abaixo, e contactaremos contigo para seguir co proceso de formación.