- O fallo darase a coñecer o 8 de Marzo
- Foron 21 os traballos presentados a esta primeira edición
O xurado dos premios de banda deseñada (BD) Virxinia Pereira, presidido polo debuxante
Kiko da Silva, reuniuse hoxe para avaliar os traballos presentados e elixir aos gañadores
do certame que nace cun dobre obxectivo: visibilizar ás, até agora, escasas autoras de
banda deseñada e impulsar a perspectiva de xénero neste ámbito son os obxectivos da
convocatoria.
O falle darase a coñecer o 8 de Marzo, Día da Muller.
Foron 21 os traballos presentados a primeira edición dos premios de BD que levan o
nome da responsábel de que o legado de Castelao, o seu home, chegase até nós.
Trátase dunha iniciativa promovida polo Concello de Pontevedra en colaboración co
debuxante Kiko da Silva e O Garaxe Hermético
- O xurado dos premios de BD Virxinia Pereira está integrado por:
Fran Bueno Capeáns: Debuxante de BD nado en Santiago de Compostela. Premio
Castelao de BD 2013. Publicou a súa obra en Image en EE.UU e Glenat Francia. É
mestre de entintado e destrezas gráficas no Garaxe Hermético. - Fernando Llor: Guionista de banda deseñada nado en Vigo, publicou cómics en Babylon
ediciones, e acaba de publicar con Paninni “Ojos Grises” e “Sangre en el suelo” en
Rocketman Project. É mestre de Guión no Garaxe Hermético. - Cynthia Alfonso Barreiro nada en Vigo, Estudou Belas Artes e fixo prácticas no Garaxe
Hermético. Publicou na revista “Islands” editada por Image en EE.UU. Foi promotora do
fanzine Taiga, e publicouobra na editorial Fosfatina. - Marilar Aleixandre, nada en Santiago de Compostela. Escritora e catedrática na
Universidade de Compostela, membro da Real Academia Galega dende o 2017. É unha
das primeiras guionistas de banda deseñada de Galicia. Creo xunto a Fran Bueno a serie
Os Escachapedras publicado na revista Golfiño e na revista Oink!
Os participantes no certame tiveron que presentar -en formato dixital ou impresos- unha
historieta de seis páxinas de BD, orixinarias, cun contido que fortaleza a reflexión crítica
sobre o papel social das mulleres e homes e en galego.
As historietas gañadoras serán a base dunha exposición de banda deseñada, que
formará parte da programación dos actos do 8 de Marzo e conformará unha publicación
destinada aos centos educativos.
Hai tres premios Virxinia Pereira:
- 1º premio, de 2.000 euros, un curso de verán no Garaxe Hermético e a publicación do
traballo - 2º premio, de 1.000 euros, un lote de banda deseñada e a publicación do traballo
- 3º premio, de 500 euros, un lote de banda deseñada e a publicación do traballo
A entrega dos premios incluirá tamén a homenaxe a unha autora de banda deseñada o que
terá un dobre obxectivo: por unha banda recoñecer o seu traballo e por outra abrir as
portas a referentes femininos no mundo da BD.
