Este sábado 11 de xuño celebraremos a segunda sesión do V Encontro AS MULLERES QUE OPINAN SON PERIGOSAS na que escoitaremos as palestras de Opinión local e de provincias. Non hai fronteiras de Marta Otero (La Opinión) e María Piñeiro (El Progreso e Diario de Pontevedra); Desencaixada: nacer en Ucraína, ser migrante e xornalista en España de Margaryta Yakovenko (El País); Ver, oír e non calar de Ángeles Caballero (El Confidencial, La Sexta e Onda Cero).
Pola tarde, a partir das 17.00 horas retomaremos a palestra 4 anos e 1 pandemia da man de Marta García Aller, Fernanda Tabarés e Ana Pardo de Vera e seguiremos con Columnas e entrevistas: opinión con mirada propia de Luz Sánchez Mellado (El País) e a veterana Mercedes Milá porá o ramo coa conferencia Mila vs. Milá. Sen complexos nin etiquetas desde 1974.
