O vestíbulo do Pazo Provincial da Deputación de Pontevedra acolleu o arranque da oitava edición do programa “Mulleres en acción. Violencia Zero” no que a compañía Duelirium e Mónica de Nut realizaron a performance “Corpos de abismos” que refllicte o “círculo infernal” que supón a violencia machista para as mulleres.
Durante o acto, organizado pola Deputación coa colaboración do Concello, leuse o Manifesto redactado por Montse Fajardo para o Concello de Pontevedra, dirixido aos homes culpables das violencias machistas, pero tamén aos que exercen o negacionismo.
