Todo listo para unha nova edición dun dos foros de xornalistas e columnistas mais importante do estado. Este ano escoitaremos a trece profesionais de diferentes perfís para reivindicar que estamos aquí e non hai marcha atrás porque somos necesarias.

Porque este encontro é agora moito máis do que se propoñía na primeira edición porque nestes anos amosamos que tamén son perigosas as mulleres que informan, as que presentan, as que dirixen medios e deciden axenda, as que entrevistan, as que son correspondentes internacionais, as que ilustran e as que crean contido para redes. Son perigosas as mulleres que descobren a outras mulleres, tecen redes e fan do xornalismo unha resistencia feminista.

HORARIO DE MAÑÁ
12:00 h Inauguración con Diana López, Susana Pedreira, Carmela Silva e Miguel Anxo Fernández Lores
12:30 h “Malcriadas e deslinguadas. A opinión centennial en clave local”. Alba Moledo Ucha, xornalista en Diario de Pontevedra
13:15 h “Activismo e influencia: responsabilidade e viralidade na opinión con perspectiva feminista para Instagram”. Sindy Takanashi, creadora de contido.
14:00 h Pausa para o xantar