Este venres 9 de xuño, no marco do programa #Empregadas, organizamos un faladoiro moi especial para todas as emprendedoras e persoas interesadas en saber mais sobre cooperativismo.
Da man de Abeluria Economía Social faremos un breve percorrido polo que é a economía social, cales son as fórmulas de emprendemento que a configuran e mostraremos proxectos liderados maioritariamente por mulleres.
As cooperativas ofrecen un modelo de negocio único que pode proporcionar estabilidade económica, democracia no traballo, e un forte compromiso coa comunidade. Ven e descobre se este modelo é o que estás a buscar para o teu futuro empresarial.
Non perdas esta oportunidade de aprender de persoas expertas, facer todas as túas preguntas, e entender mellor como este modelo de negocio pode axudar ao teu crecemento persoal e profesional, así como ao da túa comunidade.
